လက်ရှိကျင်းပနေတဲ့ ကလပ်ကမ္ဘာ့ဖလား ပြိုင်ပွဲမှာ အရည်အသွေးပိုင်းကောင်းမွန်တဲ့ လူငယ်ရွက်ပုန်းသီး ကစားသမားတွေတော်တော်လေးထွက်ပေါ်လာခဲ့တယ်။ အဲ့လို အရည်အသွေးမြင့် ရွက်ပုန်းသီး ကစားသမားတော်တော်များများကို ဥရောပ အသင်းတွေက အစောပိုင်းအချိန်တွေထဲက လက်ဦးမှု ရယူပြီး ခေါ်ယူကာ အငှားပြန်ချထားပေးတာပဲဖြစ်ပါတယ်။ ဒါပေမယ့် အဲ့ကစားသမားတွေထဲမှာ ရီးချက် ရိ ဆိုတဲ့ အသက် ၂၅ နှစ်အရွယ် ကိုလံဘီယာ ကစားသမားကတော့ ဘယ်ဥရောပအသင်းကြီးတွေနဲ့မှ ချိတ်ဆက်မှုမပြုလုပ်ရသေးပါဘူး ။ တောင်အမေရိက ပွဲစဥ်တွေကို လူကြည့်နည်းတာကြောင့် ဒီကစားသမားလေး ဘယ်လောက်ကောင်းတယ်ဆိုတာ ဒီကလပ်ကမ္ဘာ့ဖလား ပြိုင်ပွဲမှသာ ထင်ထင်ရှားရှားကြီး တွေ့မြင်ခဲ့ရတယ်။ ရီးချက် ရိ ရဲ့ ကစားပုံက အရမ်းကို မာကျောပြီး ကွင်းလယ်မှာ သက်လုံကောင်းကောင်း နဲ့ မမောနိုင် မပန်းနိုင် အစွမ်းကုန်ပေးဆပ် ကစားတယ် ။ အရမ်းကို Aggressiveness ဆန်တဲ့ ကစားသမား တစ်ဦးဖြစ်ပြီး အသင်းတိုင်း ကြိုက်နှစ်သက်လောက်တဲ့ ကစားပုံ တစ်ခုကို ပိုင်ဆိုင်ထားတဲ့ ကစားသမားတစ်ယောက်ပဲဖြစ်ပါတယ်။

ရိ က U 20 လောက်ထိ ဖူဆယ် ကစားသမားဖြစ်ခဲ့ပြီး အဲ့နောက်မှသာ ဘရာဇီး ကလပ်အသင်းတစ်သင်းဖြစ်တဲ့ ဖလာမင်ဂို အသင်းရဲ့ စိတ်ဝင်စားမှုကို ရရှိခဲ့ပြီး ဖလာမင်ဂိုရဲ့ အကယ်ဒမီ ကို ရောက်ရှိသွားခဲ့တာပဲဖြစ်ပါတယ် ။ ၂၀၂၀ ခုနှစ်ရောက်မှသာ သူ့ရဲ့ ပထမဆုံး Professional ကစားသမား ဘဝကို စတင်ခဲ့တာပဲဖြစ်ပါတယ်။ ရိ က ball winning ပိုင်းမှာလည်း ထိုက်သင့်သလောက်ကောင်းမွန်တဲ့ကစားသမားတစ်ယောက်ပဲဖြစ်ပါတယ်။ အားနည်းချက်ကတော့ ဖူဆယ် ကစားသမားဘဝ ကနေ ကူးပြောင်းလာခဲ့တာဖြစ်တာကြောင့် Space ကျဥ်းကျဥ်းလေးတွေ မှာသာ ကစားတာများပြီး ကွင်းတစ်ကွင်းလုံးကို ဘောလုံးဖြန့်ဝေတဲ့ အပိုင်းတွေ ၊ တစ်ကွင်းလုံးကို SCAN လုပ်တဲ့ အပိုင်းတွေမှာတော့ အားနည်းပါတယ် ။ မန်ချက်စတာယူနိုက်တက် အသင်းအနေနဲ့ အခြားကွင်းလယ်ကစားသမား တော်တော်များများကိုလည်း စိတ်ဝင်စားနေပေမယ့် လုပ်ခ လစာ နဲ့ ပြောင်းရွှေ့ကြေးမှာတော့ ရိ က အခြားကစားသမားတွေထက် အများလျော့နည်းပါတယ် ။ ရီးချက် ရိ ကို မန်ချက်စတာယူနိုက်တက် အသင်းအနေနဲ့ အမှန်တကယ် ခေါ်ယူချင်ပါက သန်း ၃၀ ထဲနဲ့ သာခေါ်ယူနိုင်မှာဖြစ်ပြီး မန်ချက်စတာယူနိုက်တက် အသင်းကို ပိုမိုမာကြောအောင် ၊ ပိုမို တောင့်တင်းလာအောင် နဲ့ ပိုမိုကောင်းမွန်လာအောင် ရိ တစ်ယောက် အများကြီးပြောင်းလဲပေးနိုင်ပါတယ် ။ ရိ က ကွင်းလယ်နေရာတော်တော်များများမှာ ကစားနိုင်ပါတယ်။

သူ့ရဲ့ တကယ့်စိတ်ကြိုက်နေရာက CM ဖြစ်ပေမယ့် လိုအပ်ရင်လိုအပ်သလို RM နဲ့ DM နေရာတွေမှာပါ အကောင်းဆုံး အသုံးတော်ခံနိုင်တယ် ။ မန်ချက်စတာယူနိုက်တက် ပစ်မှတ်ထားနေတဲ့ ကွင်းလယ်ကစားသမားတွေက ခြေကျနေတဲ့ကစားသမားတွေ ၊ ပြောင်းရွှေ့ကြေးမြင့်မားတဲ့ ကစားသမားတွေ ၊ သက်ဆိုင်ရာ အသင်းကဘယ်လိုမှ ရောင်းချမှာ မဟုတ်တဲ့ ကစားသမားတွေဖြစ်နေပြီး မန်ချက်စတာယူနိုက်တက် အသင်း အခေါ်ယူသင့်ဆုံးကစားသမားကတော့ ရီးချက် ရိပဲဖြစ်ပါတယ်။ မန်ချက်စတာယူနိုက်တက် အသင်းနဲ့ ရီးချက်ရိ တို့ရဲ့ အပြောင်းအရွှေ့က အမှန်တကယ်ပဲဖြစ်လာမလားဆိုတာကတော့ စောင့်ကြည့်ရမှာပဲဖြစ်ပါတယ်။အဆုံးထိဝင်ရောက်ဖတ်ရှုပေးခဲ့ကြတဲ့ တစ်ဦးတစ်ယောက်ချင်းစီတိုင်းကို ကျေးဇူအများကြီးတင်ရှိပါတယ်။

#mmmedia

#richardrios

#midfielder

#manchesterunited

#colombian

#premierleague